Qora dengizga qulagan Tu-154 samolyotida parvoz qilgan Aleksandrov nomidagi ashula va raqs ansambli a’zolari dekabr oyida Suriya qo‘shinlari tomonidan egallangan Aleppo shahrida konsert berishi kerak bo‘lgan. Bu haqda guruh a’zosi Meduza’ga ma’lum qildi.
Avvalroq Rossiya Mudofaa vazirligi ansambl Yangi yil bayrami munosabati bilan Rossiyaning Suriyadagi Xmeymim aviabazasidagi rus harbiylari oldida chiqish qilishi ko‘zda tutilgani haqida axborot bergan edi.
Rossiya Mudofaa vazirligining Tu-154 samolyoti 25-dekabr tongida Sochida qayta yonilg‘i olganidan so‘ng, Qora dengizga quladi. Samolyot Moskva viloyatidagi Chkalovskiy aerodromidan Suriyaga uchayotgan edi. Samolyot bortida 92 kishi bo‘lgan; dastlabki ma’lumotlarga ko‘ra, ularning bari halok bo‘lgan.Yo‘lovchilarning aksariyati Aleksandrov nomidagi ashula va raqs ansambli a’zolari bo‘lgan. Bortda, shuningdek, Rossiya “Birinchi kanali”, “NTV” va “Zvezda” telekanallarining tasvirga olish guruhlari ham bo‘lgan. Rossiya Mudofaa vazirligidan ma’lum qilishlaricha, samolyotda “Adolatli yordam” jamg‘armasi ijrochi direktori Yelizaveta Glinka (Doktor Liza) ham bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)