Xavfsizlik Kengashi Isroildan bosib olingan hududlarda manzilgohlar barpo etishni zudlik bilan to‘xtatishni talab qildi

BMT bosh kotibi Pan Gi Mun Xavfsizlik Kengashi Isroil okkupatsiya qilingan hududlarda manzilgohlar barpo etishi qoralangan rezolyutsiya qabul qilinganini ma’qullaydi va Isroil hamda Falastinni muzokaralarga qaytishga chaqiradi. Bu haqda bosh kotibning rasmiy vakili Stefan Dyujarrik ma’lum qildi, deb xabar beradi “TASS”.

Rezolyutsiyada bosib olingan hududlar, jumladan, Sharqiy Quddusda manzilgohlar barpo etilishi yuridik kuchga ega emasligi va xalqaro huquqning qo‘pol ravishda buzilishi hisoblanishi ta’kidlangan. Xavfsizlik Kengashi Isroildan bunday harakatlarni zudlik bilan va to‘liq to‘xtatish hamda zimmasidagi majburiyatlarni bajarishni talab qildi.

Isroil BMT rezolyutsiyasini bajarmoqchi emasligini ma’lum qilishga ulgurdi.