Rossiya prezidenti Vladimir Putin mamlakat Mudofaa vazirligiga tegishli Tu-154 samolyoti halokati oqibatida qurbon bo‘lganlarning qarindoshlari va yaqinlariga hamdardlik izhor qildi. Bu haqda Kreml matbuot xizmati xabar bermoqda.
Rossiya rahbari mamlakat bosh vaziri Dmitriy Medvedevga Sochidagi aviahalokat sabablarini aniqlash bo‘yicha davlat komissiyasini tuzish haqida ko‘rsatma bergan. Komissiyaga Rossiya transport vaziri Maksim Sokolov rahbarlik qiladi.
Rossiya Mudofaa vazirligining Tu-154 samolyoti 25-dekabr tongida Sochi sohillari yaqinida halokatga uchradi. Layner Aleksandrov nomidagi ashula va raqs ansamblini, shuningdek, bir guruh jurnalistlarni Suriyadagi Yangi yil konsertiga olib ketayotgan edi.Samolyot bortida 84 yo‘lovchi va ekipajning yetti nafar a’zosi bo‘lgani aytilmoqda. Ro‘yxatga ko‘ra, yo‘lovchilar orasida shifokor va filantrop Yelizaveta Glinka (Doktor Liza) ham bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)