Россия президенти Владимир Путин мамлакат Мудофаа вазирлигига тегишли Ту-154 самолёти ҳалокати оқибатида қурбон бўлганларнинг қариндошлари ва яқинларига ҳамдардлик изҳор қилди. Бу ҳақда Кремль матбуот хизмати хабар бермоқда.
Россия раҳбари мамлакат бош вазири Дмитрий Медведевга Сочидаги авиаҳалокат сабабларини аниқлаш бўйича давлат комиссиясини тузиш ҳақида кўрсатма берган. Комиссияга Россия транспорт вазири Максим Соколов раҳбарлик қилади.
Россия Мудофаа вазирлигининг Ту-154 самолёти 25 декабрь тонгида Сочи соҳиллари яқинида ҳалокатга учради. Лайнер Александров номидаги ашула ва рақс ансамблини, шунингдек, бир гуруҳ журналистларни Суриядаги Янги йил концертига олиб кетаётган эди.Самолёт бортида 84 йўловчи ва экипажнинг етти нафар аъзоси бўлгани айтилмоқда. Рўйхатга кўра, йўловчилар орасида шифокор ва филантроп Елизавета Глинка (Доктор Лиза) ҳам бўлган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)