Перте шаҳридаги Эдит Коуэн номли университетнинг 102 ёшли профессори Дэвид Гудолл ўқув юрти биносида ишлашни давом эттириш ҳуқуқига эга бўлди. Бу ҳақда Австралиянинг ABC News телеканали маълум қилди, дея хабар беради «ТАСС».
Профессор университетда 20 йил давомида фаолият олиб борган ва ҳозир ҳам кафедра ходими ҳисобланади, бироқ унга маош тўланмайди. Гудолл Австралиянинг энг кекса олими ва экология бўйича юзлаб ишлар муаллифи, унинг карьераси 70 йилдан ошиқ вақтдан бери давом этмоқда.
Охирги пайтда профессорнинг кўриш қобилияти заифлаша бошлаган ва у ўқув юрти раҳбариятидан уйдан туриб ишлаш ҳақида билдирув олганди. Олимнинг қизи Карен Гудолл-Смит ректоратга мазкур билдирув отасини тушкунликка тушириб қўйгани ҳақида хабар қилди.
Шундан сўнг университет раҳбарияти ўз қарорини қайта кўриб чиқди ва профессор учун қулайроқ хонани ахтариб топди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)