19-dekabr, dushanba kuni kechqurun Shveysariyaning Syurix shahridagi islom ibodat markazida yuz bergan otishmadan so‘ng, politsiyachilar jinoyat joyi yaqinidagi daryodan noma’lum erkak jasadini topdi, deb yozadi “Korrespondent.net”.
U o‘qotar qurol bilan uch musulmonni yaralagan yosh yigitni qidirish chog‘ida aniqlangan. Yaradorlardan ikki nafari og‘ir ahvolda yotibdi. Politsiya ikki hodisa bir-biriga aloqadorligi yuzasidan ma’lumot berganicha yo‘q.
Nashr eslatishicha, qora libos kiyib olgan 30 yoshlardagi yigit Syurixdagi ibodat markaziga bostirib kirib, tartibsiz o‘t ochgan, so‘ng noma’lum tomonga qarab qochib qolgan edi.
Izoh (0)