18-dekabr holatiga ko‘ra, 2016-yilda Afg‘onistonda 580 mingdan ortiq kishi mamlakat ichidagi qochoqlarga aylangan. Bu haqda BMTning Gumanitar operatsiyalar koordinatsiyasi boshqarmasi ma’ruzasida aytiladi, deb yozadi “Korrespondent.net”.
O‘tgan yillardagi ichki qochoqlarni hisobga olganda, urush, ochlik va vayrongarchilik tufayli o‘z uylarini tark etishga majbur bo‘lgan odamlarning umumiy soni qariyb ikki millionga yetgan.
BMT Xavfsizlik Kengashi ma’ruzasida ta’kidlanishicha, hukumat qo‘shinlari va toliblar o‘rtasidagi to‘qnashuvlar soni 2016-yilda keskin ko‘payib, 2015-yilgi ko‘rsatkichdan 22 foizga o‘sgan — bu 2007-yildan buyon kuzatilgan eng yuqori ko‘rsatkichdir.
Izoh (0)