Xitoyning Anxoy viloyatida istiqomat qiluvchi keksa chiqindi tashuvchi taqiqlangan joyda qoldirilgan avtomobilni 40 chiqindi baki yordamida qamal qildi. Bu haqda TJournal xabar bermoqda.
Qariya to‘xtash mumkin bo‘lmagan joyda qoldirilgan avtomobil favqulodda chiqish yo‘li va chiqindixonaga kirish joyini to‘sib qo‘yganidan achchiqlangan.
Mashina bir necha soat davomida taqiqlangan joyda turganidan so‘ng, chiqindi tashuvchi qoidabuzar haydovchiga o‘ziga xos saboq berib qo‘yishga qaror qilgan.
U avtomobilning to‘rt tomoniga 40 ta chiqindi bakini joylashtirib chiqib, mashinaga yaqinlashib bo‘lmaydigan vaziyatni yuzaga keltirgan.
Avtomobilning egasi qariyaning bu harakatiga qanday munosabat bildirgani haqida aniq ma’lumotlar yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)