Хитойнинг Анхой вилоятида истиқомат қилувчи кекса чиқинди ташувчи тақиқланган жойда қолдирилган автомобилни 40 чиқинди баки ёрдамида қамал қилди. Бу ҳақда TJournal хабар бермоқда.
Қария тўхташ мумкин бўлмаган жойда қолдирилган автомобиль фавқулодда чиқиш йўли ва чиқиндихонага кириш жойини тўсиб қўйганидан аччиқланган.
Машина бир неча соат давомида тақиқланган жойда турганидан сўнг, чиқинди ташувчи қоидабузар ҳайдовчига ўзига хос сабоқ бериб қўйишга қарор қилган.
У автомобилнинг тўрт томонига 40 та чиқинди бакини жойлаштириб чиқиб, машинага яқинлашиб бўлмайдиган вазиятни юзага келтирган.
Автомобильнинг эгаси қариянинг бу ҳаракатига қандай муносабат билдиргани ҳақида аниқ маълумотлар йўқ.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)