Iordaniyaning al-Karak shahrida noma’lum shaxslar tomonidan uyushtirilgan hujumlar oqibatida halok bo‘lganlar soni yetti kishini tashkil etdi. Bu haqda Meduza xabar bermoqda.
Ilgariroq to‘rt nafar politsiyachi hamda bir nafar kanadalik ayol halok bo‘lgani, 22 kishi yaralangani ma’lum qilingan edi. Yaqinda iordaniyalik yana ikki tinch fuqaro halok bo‘lgani bildirildi.
Hujum politsiya idorasi hamda bir qancha patrullarga uyushtirildi. Shahar ko‘chalarida otishma boshlanganidan so‘ng, jinoyatchilar XII asrga oid salibchilar qasriga chekindi. Ularning qo‘lida bir necha tutqun qolayotgani aytilmoqda.
Politsiya qasrdan o‘n nafar tutqunni chiqarib oldi, ammo yana bir necha kishi jinoyatchilar qo‘lida qolmoqda.
Izoh (0)