Toshkentning “Bunyodkor” futbol klubi prezidenti etib Shukurullo Mahmudov tayinlandi. Bu haqda “Championat.asia” sayti xabar berdi.
Shu vaqtga qadar klubga prezident bo‘lib kelgan Bedil Alimov o‘z o‘rnini bir vaqtning o‘zida “O‘ztransgaz” kompaniyasining rahbari sanalgan Shukurullo Mahmudovga bo‘shatib bergan.
Sobiq prezidentning klub tasarrufida qolgani yoki butunlay ishdan olingani borasida aniq ma’lumot berilmagan. Klub matbuot xizmati “Championat.asia”dagi xabarga hozircha izoh bermagan.
Qayd etish kerak, yaqindagina “Bunyodkor” bosh murabbiyi operatsiyani boshidan o‘tkazgani ma’lum qilingandi. Klubdagi manbalarga ko‘ra, mutaxassis jamoa a’zolari bilan o‘z ish faoliyatini davom ettirmoqda.
Izoh (0)