2015-yil avgustida Thalys poyezdi vagonida yo‘lovchilarni o‘qqa tutgan marokashlik Ayub al-Kazzoniy Parijda so‘roq qilinayotganida AQSh fuqarolarini nishonga olganini e’tirof etdi. Bu haqda, AFP’ga asoslanib, “TASS” xabar bermoqda.
Poyezd Amsterdamdan Parijga ketayotgan edi. Ekstremist armiya avtomati bilan qurollangan edi, ammo uning quroli otilmay qoldi. Bundan foydalangan yo‘lovchilar uni zararsizlantirdi. Yo‘lovchilar orasida uch nafar amerikalik harbiy ham bor edi. Harbiylardan biri pichoq bilan yaralandi.
Politsiyaning tan olishicha, agar terrorchining quroli pand bermaganida, bu ko‘plab qurbonlarga olib kelishi mumkin edi. Kazzoniy otgan o‘qlar uch yo‘lovchini og‘ir yaraladi.
Poyezdda jami 554 yo‘lovchi bor edi.