2015 йил августида Thalys поезди вагонида йўловчиларни ўққа тутган марокашлик Аюб ал-Каззоний Парижда сўроқ қилинаётганида АҚШ фуқароларини нишонга олганини эътироф этди. Бу ҳақда, AFP’га асосланиб, «ТАСС» хабар бермоқда.
Поезд Амстердамдан Парижга кетаётган эди. Экстремист армия автомати билан қуролланган эди, аммо унинг қуроли отилмай қолди. Бундан фойдаланган йўловчилар уни зарарсизлантирди. Йўловчилар орасида уч нафар америкалик ҳарбий ҳам бор эди. Ҳарбийлардан бири пичоқ билан яраланди.
Полициянинг тан олишича, агар террорчининг қуроли панд бермаганида, бу кўплаб қурбонларга олиб келиши мумкин эди. Каззоний отган ўқлар уч йўловчини оғир яралади.
Поездда жами 554 йўловчи бор эди.
Изоҳ (0)