Elmira Basitxanova O‘zbekiston bosh vaziri o‘rinbosari — Xotin-qizlar qo‘mitasi raisi lavozimidan ozod etildi. O‘zbekiston Hukumat portali axborotiga ko‘ra, bu haqdagi farmon 12-dekabr kuni O‘zbekiston Prezidenti Shavkat Mirziyoyev tomonidan imzolangan.
Hukumat portali axborotiga ko‘ra, Elmira Basitxanova boshqa ishga o‘tishi munosabati bilan bosh vazir o‘rinbosari — Xotin-qizlar qo‘mitasi raisi lavozimidan ozod etilgan.
Ma’lumotlarga ko‘ra, Elmira Basitxanova O‘zbekiston Sog‘liqni saqlash vazirligida vazir o‘rinbosari lavozimida ish boshlagan.
Sog‘liqni saqlash vazirligi saytidagi axborotga ko‘ra, vazirlikning Onalik va bolalikni muhofaza qilish bosh boshqarmasi, O‘smirlar va chaqiriluvchi yoshlarga tibbiy yordamni tashkil etish markazi, Sog‘liqni saqlash vazirligi muzeyi, “Hamshira” jurnali, Respublika perinatal markazi, Respublika ixtisoslashtirilgan pediatriya ilmiy-amaliy tibbiyot markazi va Ixtisoslashtirilgan akusherlik va ginekologiya ilmiy-tekshirish markazi Basitxanovaning vakolati doirasidagi idoralar hisoblanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)