Элмира Баситханова Ўзбекистон бош вазири ўринбосари — Хотин-қизлар қўмитаси раиси лавозимидан озод этилди. Ўзбекистон Ҳукумат портали ахборотига кўра, бу ҳақдаги фармон 12 декабрь куни Ўзбекистон Президенти Шавкат Мирзиёев томонидан имзоланган.
Ҳукумат портали ахборотига кўра, Элмира Баситханова бошқа ишга ўтиши муносабати билан бош вазир ўринбосари — Хотин-қизлар қўмитаси раиси лавозимидан озод этилган.
Маълумотларга кўра, Элмира Баситханова Ўзбекистон Соғлиқни сақлаш вазирлигида вазир ўринбосари лавозимида иш бошлаган.
Соғлиқни сақлаш вазирлиги сайтидаги ахборотга кўра, вазирликнинг Оналик ва болаликни муҳофаза қилиш бош бошқармаси, Ўсмирлар ва чақирилувчи ёшларга тиббий ёрдамни ташкил этиш маркази, Соғлиқни сақлаш вазирлиги музейи, «Ҳамшира» журнали, Республика перинатал маркази, Республика ихтисослаштирилган педиатрия илмий-амалий тиббиёт маркази ва Ихтисослаштирилган акушерлик ва гинекология илмий-текшириш маркази Баситханованинг ваколати доирасидаги идоралар ҳисобланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)