AQSh sobiq davlat kotibi Hillari Klinton, prezident saylovidagi mag‘lubiyatga qaramay, o‘zi uchun berilgan byulletenlar soni bo‘yicha Donald Trampni 2,5 millionta ovozga ortda qoldirmoqda, deb yozadi “TASS” The New York Times gazetasiga tayanib.
Uning ma’lumotlariga ko‘ra, ular o‘rtasidagi farq 2 526 094 ta ovoz yoki 1,9 foizlik punktga yetdi. Trampga 62 626 216 ta, Klintonga esa 65 152 310 ta ovoz berilgan. Farqning kattalashuvi AQShning Kaliforniya va Nyu-York kabi aholi zich joylashgan shtatlarida saylov varaqalari hisob-kitoblari yakunlangani bilan bog‘liq, u yerlarda katta farq bilan Klinton g‘alaba qozondi.
Saylovda g‘olib chiqish uchun prezidentlikka nomzod 270 dan ortiq saylov vakilining ovoziga ega bo‘lishi kerak. Tramp ayni paytgacha 290 ta saylov vakilining ovozini qo‘lga kiritdi va ovozlarni hisob-kitob qilish yakuniga yetmasidan g‘olib deb e‘lon qilindi. Klinton esa 232 nafar saylov vakilining ovoziga ega bo‘ldi.
Izoh (0)