Kolumbiya hukumati 1-dekabr, payshanba kuni Boliviyaning Lamia aviakompaniyasi samolyoti 29-noyabr kuni halokatga uchrashi oqibatida barcha qurbon bo‘lganlarning jasadlari, shu jumladan, Braziliyaning “Shapekoense” futbol klubi o‘yinchilari va rahbariyati a’zolari murdalarining shaxslari aniqlanganini e’lon qildi, deb yozadi “TASS” Reuters’ga tayanib.
Marhum futbolchilar va futbol klubi rahbarlarining jasadlari Braziliyaning Shapeko shahriga 2-dekabr, juma kuni yetkaziladi. Futbolchilar bilan vidolashuv shahardagi sportchilar o‘yinlar o‘tkazgan stadionda bo‘lib o‘tadi. Motam marosimida Braziliya prezidenti Mishel Temer ishtirok etish-etmasligi hozircha xabar berilmayapti.
Layner bortida 77 kishi bo‘lgan, ularning 22 nafari “Shapekoense” futbolchilari bo‘lgan. So‘nggi ma’lumotlarga ko‘ra, aviahalokat natijasida bor-yo‘g‘i olti kishi omon qolgan.
Izoh (0)