Qozog‘istonning Janubiy Qozog‘iston viloyatida 102 nafar bolaga ular OIV (Odam immun tanqisligi virusi)ga chalingani haqida aytishga tayyorlanishmoqda, deb yozadi Kazakhstan Today. Mutaxassislar fikriga ko‘ra, bunday paytda bolalarni qo‘llab-quvvatlash kerak.
Ushbu bolalarning ko‘pchiligi 2004—2005-yillarda tug‘ilgan. Ular 2006-yilda Chimkentdagi kasalxonada shifokorlar aybi bilan OIVni yuqtirib olgan. Qozog‘istonda bolalarga OIVga chalingani haqida 11—12 yoshda ma’lum qilinadi.
Psixologlar bola o‘z tashxisi haqida 11—12 yoshdan xabardor bo‘lsa, jarayon yengil kechadi, deb hisoblaydi. Agar bu haqda o‘tish davrida ma’lum bo‘lsa, u odamlardan ajralib, yakkalanib qolishi mumkin.
Ta’kidlanishicha, Janubiy Qozog‘iston viloyatida 2016-yil noyabr holatiga ko‘ra, OIVni yuqtirgan va 15 yoshgacha bo‘lgan 224 nafar bola ro‘yxatda turadi, shularning sakkiz nafari shu yil, yana sakkiz nafari o‘tgan yili virusga chalingan.
Izoh (0)