Avtobus qachon kelishini ko‘rsatuvchi Toshkentdagi tablolar, “Navbahor”ni Oliy Ligada saqlab qolgan Odil Ahmedov, yo‘l haqi oshishiga sabab bo‘lgan O‘zbekistondagi qor va kunning boshqa qiziqarli xabarlari

28-noyabrning e’tiborga molik yangiliklari — “Daryo”ning kechki dayjestida.

1. Shavkat Mirziyoyev Fidel Kastroning vafoti munosabati bilan hamdardlik bildirdi. Fidel Kastro har doim O‘zbekiston va Kuba o‘rtasidagi do‘stona munosabatlarni mustahkamlash, hamkorlik va o‘zaro hurmat tarafdori bo‘lgan, deydi Shavkat Mirziyoyev.

2. Hindistonning muxolifatdagi partiyalari pul islohotiga qarshi norozilik aksiyalari o‘tkazadi. Hindiston bosh vaziri Narendra Modi 8-noyabr kuni 500 va 1000 rupiya nominalli banknotalar iste’moldan chiqarilishini e’lon qilgandi.

3. Qorli ob-havo Toshkentdan Qashqadaryoga qatnovchi taksilarda yo‘l haqi 120 ming so‘mgacha ko‘tarilishiga sabab bo‘ldi. Kimdir bu holatni qoralasa, yana kimdir haydovchilarga yon bosmoqda.

4. Toshkentdagi bekatlarga avtobuslarning kelish vaqtini ko‘rsatadigan onlayn-tablolar o‘rnatilmoqda. Tablo avtobuslar harakati haqidagi ma’lumotlarni Tashbus mobil dasturidan oladi.

5. “Navbahor” Odil Ahmedovning qo‘ng‘irog‘i va talabidan keyin Oliy Ligadagi o‘rnini saqlab qolgani aytildi. “Navbahor” o‘tish o‘yinida viloyatdoshi “Norin”ni mag‘lub etdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.