Автобус қачон келишини кўрсатувчи Тошкентдаги таблолар, «Навбаҳор»ни Олий Лигада сақлаб қолган Одил Аҳмедов, йўл ҳақи ошишига сабаб бўлган Ўзбекистондаги қор ва куннинг бошқа қизиқарли хабарлари

28 ноябрнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев Фидель Кастронинг вафоти муносабати билан ҳамдардлик билдирди. Фидель Кастро ҳар доим Ўзбекистон ва Куба ўртасидаги дўстона муносабатларни мустаҳкамлаш, ҳамкорлик ва ўзаро ҳурмат тарафдори бўлган, дейди Шавкат Мирзиёев.

2. Ҳиндистоннинг мухолифатдаги партиялари пул ислоҳотига қарши норозилик акциялари ўтказади. Ҳиндистон бош вазири Нарендра Моди 8 ноябрь куни 500 ва 1000 рупия номиналли банкноталар истеъмолдан чиқарилишини эълон қилганди.

3. Қорли об-ҳаво Тошкентдан Қашқадарёга қатновчи таксиларда йўл ҳақи 120 минг сўмгача кўтарилишига сабаб бўлди. Кимдир бу ҳолатни қораласа, яна кимдир ҳайдовчиларга ён босмоқда.

4. Тошкентдаги бекатларга автобусларнинг келиш вақтини кўрсатадиган онлайн-таблолар ўрнатилмоқда. Табло автобуслар ҳаракати ҳақидаги маълумотларни Tashbus мобил дастуридан олади.

5. «Навбаҳор» Одил Аҳмедовнинг қўнғироғи ва талабидан кейин Олий Лигадаги ўрнини сақлаб қолгани айтилди. «Навбаҳор» ўтиш ўйинида вилоятдоши «Норин»ни мағлуб этди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.