O‘zMTRKning “Sport” telekanali bugun — 26-noyabr kuni bo‘lib o‘tadigan futbol bo‘yicha O‘zbekiston Kubogining yarim final uchrashuvini jonli ko‘rsatadi. Bu haqda “Championat.asia” nashri ma’lumot berdi.
“Lokomotiv” va “Bunyodkor” klublari o‘rtasidagi yarim finalning birinchi o‘yinida “temiryo‘lchilar” 1:0 hisobida zafar quchgandi. “Bunyodkor” stadionidagi javob o‘yini katta ehtimol bilan qor ustida bo‘lib o‘tadi. Uni 14:00 dan boshlab to‘g‘ridan-to‘g‘ri tomosha qilish mumkin.
Qayd etish kerak, O‘zbekiston Oliy Ligasining so‘nggi turini aynan shu stadionda o‘tkazgan “Lokomotiv” 1:0 hisobida zafar quchib, mamlakat oltin medallarini qo‘lga kiritgandi.
O‘zbekiston Kubogining final uchrashuvi 30-noyabr kuni Samarqand shahrida bo‘lib o‘tadi. “Nasaf”ning ikkinchi raqibi aniq bo‘lmagan o‘yin uchin chiptalar allaqachon savdoga chiqarilgan.
“Sport”, shuningdek, bugun bo‘lib o‘tadigan Osiyo Chempionlar Ligasining final o‘yinini ham jonli uzatishni rejalashtirgan. Toshkent vaqti bilan 19:25 da start oladigan “Al-Ayn” — “Chonbuk Motors” o‘yini to‘g‘ridan-to‘g‘ri namoyish qilinadi.
Izoh (0)