Futbol bo‘yicha JCh–2018 mezbonlik qiladigan Rossiya shaharlarida transport tig‘izligiga tayyorgarlik ko‘rilmoqda. Bu haqda “Transportnaya direksiya –2018” avtonom notijorat tashkiloti bosh direktori Aleksey Petrov ma’lum qildi, deb xabar bermoqda “TASS”.
Futbol muxlislarini hududlarda qabul qilish ishlab chiqilgan rejaga asosan ishqibozlaning maksimal hisobi inobatga olingan holda bo‘lib o‘tadi.
“Operatsion rejaning dastlabki varianti yaratildi va u barcha muassasa va transport vazirligi tomonidan ma’qullandi. Biz turli variantlar ishlab chiqdik, ammo qaysi shaharlarda muhim o‘yinlar o‘tkazilishini bilmaymiz. Shunga qaramay, har bir shaharda muhim o‘yin o‘tkazilishiga tayyorlanamiz”, – dedi Aleksey Petrov.
Bundan tashqari, JCh–2018 o‘tadigan 6 ta shaharning aeroportida kerakli infratuzilma ishlab chiqildi.
“Ko‘p ishlar qilindi. Samara, Yekaterinburg, Volgograd, Nijniy Novgorod shaharlarida aviaterminallar yo‘lovchilarni qabul qilmoqda. Moskvadagi ‘Vnukovo’ va ‘Domodedovo’ aeroportlarida infratuzilma obyektlari rekonstruksiya qilindi. Sankt-Peterburgda yaqindagina yangi terminal qurib bitkazildi. Ishonch bilan aytish mumkinki, ushbu shaharlar aeroport nuqtai nazaridan tayyor”, – deya qo‘shimcha qildi “Transportnaya direksiya –2018” rahbari.
Ma’lumot uchun, jahon chempionati 2018-yilning 14-iyunidan 15-iyuliga qadar, Rossiyaning 11 shahri – Moskva, Sankt-Peterburg, Nijniy Novgorod, Volgograd, Rostov-Don, Samara, Yekaterinburg, Qozon, Kaliningrad, Saransk va Sochida joylashgan 12 stadionda bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)