Angren shahrida O‘zbekiston Respublikasi Milliy xavfsizlik xizmati chegara qo‘shinlari harbiy xizmatchilari va ularning oila a’zolariga yangi uy-joylar topshirildi. Bu haqda O‘zA xabar bermoqda.
Shu munosabat bilan o‘tkazilgan tadbirda harbiy xizmatchilar, ularning oila a’zolari, davlat va jamoat tashkilotlari vakillari, “Yosh chegarachilar” klubi a’zolari, mahalla faollari, OAV xodimlari ishtirok etdi.
Angren shahridagi “Jigariston” mahalla fuqarolar yig‘ini hududida qad rostlagan zamonaviy uylar atrofi landshaft dizayni talablari asosida obodonlashtirildi. Turli mevali va manzarali daraxt ko‘chatlari ekildi. Sport maydonchasida katta-kichik qurilmalar o‘rnatildi.
Tadbirda san’atkorlar ishtirokida konsert dasturi namoyish etildi.
Izoh (0)