Ангренда МХХ чегара қўшинлари ҳарбий хизматчиларига янги уй-жойлар топширилди

Ангрен шаҳрида Ўзбекистон Республикаси Миллий хавфсизлик хизмати чегара қўшинлари ҳарбий хизматчилари ва уларнинг оила аъзоларига янги уй-жойлар топширилди. Бу ҳақда ЎзА хабар бермоқда.

Шу муносабат билан ўтказилган тадбирда ҳарбий хизматчилар, уларнинг оила аъзолари, давлат ва жамоат ташкилотлари вакиллари, «Ёш чегарачилар» клуби аъзолари, маҳалла фаоллари, ОАВ ходимлари иштирок этди.

Ангрен шаҳридаги «Жигаристон» маҳалла фуқаролар йиғини ҳудудида қад ростлаган замонавий уйлар атрофи ландшафт дизайни талаблари асосида ободонлаштирилди. Турли мевали ва манзарали дарахт кўчатлари экилди. Спорт майдончасида катта-кичик қурилмалар ўрнатилди.

Тадбирда санъаткорлар иштирокида концерт дастури намойиш этилди.