Markaziy saylov komissiyasida 25-noyabr, juma kuni Yaponiyaning O‘zbekistondagi elchixonasi ikkinchi kotibi Yamagiva Kadzuyoshi bilan uchrashuv bo‘lib o‘tdi. Bu haqda “Daryo”ga O‘zbekiston Respublikasi Prezidenti saylovini yoritish bo‘yicha matbuot markazi ma’lum qildi.
Markaziy saylov komissiyasi kotibi Suyarjon Qurbonqulov mehmonni O‘zbekiston Respublikasi Prezidenti sayloviga tayyorgarlik ko‘rish va uni o‘tkazish bo‘yicha asosiy tadbirlar dasturi doirasida amalga oshirilayotgan ishlar, milliy saylov qonunchiligi va amaliyotini yanada takomillashtirish maqsadida qonun hujjatlariga kiritilayotgan so‘nggi o‘zgarish va qo‘shimchalar bilan tanishtirdi.
Muloqot chog‘ida saylov kampaniyasi ochiqligi va oshkoraligini ta’minlash maqsadida Prezident saylovida Markaziy saylov komissiyasi taklifiga asosan 5 xalqaro tashkilot missiyasi va 40 dan ziyod xorijiy davlat, jumladan, Yaponiyadan kuzatuvchilar ishtirok etishi ta’kidlandi.
Uchrashuvda tomonlarni qiziqtirgan boshqa masalalar yuzasidan ham o‘zaro fikr almashildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)