Toshkentdagi Turin politexnika universiteti seysmik platformasida shu yil avgustida Italiyaning Amatriche shahrida bo‘lib o‘tgan zilzila sun’iy ravishda hosil qilindi. Bu haqda “Daryo”ga o‘quv yurti mutasaddilari ma’lum qildi.
Platforma ustiga o‘lchamlari kichraytirilgan — eni va bo‘yi 1 metr, balandligi 1,5 metr, umumiy og‘irligi 915 kilogram bo‘lgan bino qurildi. Uning ustida o‘tkazilgan tajribalar bino qulaguncha davom etdi.
O‘tkazilgan tajriba natijalariga ko‘ra bino Italiyaning Amatriche shahrida bo‘lib o‘tgan 6,2 balli, yer ko‘chishi 1,54 santimetr, tezligi soniyasiga 21 santimetr va tezlanishi 425 santimetr/s2 zilzilaga chidamli deb topildi. Qayta o‘tkazilgan tajribalar tufayli bino yer ko‘chishi 4,62 santimetr va tezlanishi 1276 santimetr/s2 bo‘lgan zilzilada quladi.
Bunday tajribalar natijasida qurilayotgan binolar zilzilabardoshligini oldindan hisoblab bilish, talabalar esa dars davomida olgan bilimlarini amaliy jihatdan mustahkamlash imkoniyatiga ega bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)