Тошкентдаги Турин политехника университети сейсмик платформасида шу йил августида Италиянинг Аматриче шаҳрида бўлиб ўтган зилзила сунъий равишда ҳосил қилинди. Бу ҳақда «Дарё»га ўқув юрти мутасаддилари маълум қилди.
Платформа устига ўлчамлари кичрайтирилган — эни ва бўйи 1 метр, баландлиги 1,5 метр, умумий оғирлиги 915 килограм бўлган бино қурилди. Унинг устида ўтказилган тажрибалар бино қулагунча давом этди.
Ўтказилган тажриба натижаларига кўра бино Италиянинг Аматриче шаҳрида бўлиб ўтган 6,2 балли, ер кўчиши 1,54 сантиметр, тезлиги сониясига 21 сантиметр ва тезланиши 425 сантиметр/с2 зилзилага чидамли деб топилди. Қайта ўтказилган тажрибалар туфайли бино ер кўчиши 4,62 сантиметр ва тезланиши 1276 сантиметр/с2 бўлган зилзилада қулади.
Бундай тажрибалар натижасида қурилаётган бинолар зилзилабардошлигини олдиндан ҳисоблаб билиш, талабалар эса дарс давомида олган билимларини амалий жиҳатдан мустаҳкамлаш имкониятига эга бўлади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)