Toshkent shahar hokimligi axborot xizmati issiqlik, tabiiy gaz, elektr ta’minoti va boshqa kommunal xizmatlardagi muammolar bo‘yicha murojaat qilishga mo‘ljallangan dispetcherlik xizmati raqamlarini eslatib o‘tdi.
“Toshkent shahar hokimligi poytaxtimiz aholisiga yaxshi tanish bo‘lgan 1055 dispetcherlik xizmati aholining qish-qirovli kunlarda issiqlik, tabiiy gaz, elektr ta’minoti, ko‘p qavatli uylarning yerto‘lalari, kirish yo‘laklari, chordoqlar, tom ustidagi barcha muammolar va xizmat ko‘rsatuvchi tashkilotlar faoliyati bilan bog‘liq boshqa masalalar bo‘yicha murojaatlarni uzluksiz tun-u kun davomida qabul qilishi va bu muammolarni tezkorlik bilan bartaraf etishini ma’lum qiladi”, — deyiladi hokimlik axborot xizmati xabarida.
Shu bilan birga, to‘rt raqamli dispetcherlik xizmatlari har bir tumanda ham tashkil etilgan:
Bektemir tumani — 1068
Mirobod tumani — 1079
Mirzo Ulug‘bek tumani — 1075
Olmazor tumani — 1070
Sergeli tumani — 1071
Uchtepa tumani — 1073
Chilonzor tumani — 1056
Shayxontohur tumani — 1077
Yunusobod tumani — 1078
Yakkasaroy tumani — 1074
Yashnobod tumani — 1076
“Ushbu dispetcherlik xizmatiga qilingan har bir murojaat audio formatida yozib olinadi va ularning ijrosi ustidan tizimli nazorat o‘rnatilgan. Bir so‘z bilan aytganda, Sizning 1055 dispetcherlik xizmatiga qilgan har bir murojaatingiz ijrosi doimiy nazoratda bo‘lishi ta’minlanadi”, — deyiladi Toshkent shahar hokimligi axborot xizmati xabarida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)