Istanbulning Fotih tumanidagi qochoqlar markazida istiqomat qiluvchilar binoga o‘t qo‘yib, shahar ko‘chalariga qochib ketdi. Bu haqda “TASS” xabar berdi.
Sabah nashriga ko‘ra, muhojirlar markazdagi mushtlashuv chog‘i mebelga o‘t qo‘ygan va paytdan foydalanib, shaharga qochib ketgan. Politsiya hozirda 50 nafarga yaqin huquqbuzarni qidirmoqda.
Qochoqlar qaysi mamlakatdan kelgani ma’lum qilinmagan. Ular markazdagi yomon sharoitlardan norozi ekanligi va shu sababli mahalliy politsiya bilan to‘qnashuvlar yuz berib turishi bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)