Chili sudi mamlakatning sobiq prezidentiga nisbatan da’voni ko‘rib chiqadi

Chili poytaxti sudi mamlakatning sobiq prezidenti Sebastyan Pinyeraga nisbatan shikoyatni ko‘rib chiqish uchun qabul qildi. Bu haqda “TASS” xabar bermoqda.

Chili Kommunistik partiyasidan deputat Ugo Gutyerres tomonidan qo‘zg‘atilgan da’vo sobiq davlat rahbariga tegishli Bancard investitsiya kompaniyasi faoliyati bilan bog‘liq. Shikoyatda Bancard Peruning Exalmar baliq ovlash kompaniyasi aksiyalarini Pinyera prezidentlik lavozimini egallab turganida, Chili bilan Peru o‘rtasida dengiz chegaralari masalasida tortishuv ketayotganida sotib olgani ta’kidlanadi.

Gutyerres sobiq prezidentni davlat lavozimiga to‘g‘ri kelmaydigan faoliyat olib borish va insayderlik ma’lumotlaridan noqonuniy foydalanishda ayblamoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.