Rossiya prezidentining Osiyo—Tinch okeani iqtisodiy hamkorligi (APEC) sammitidagi ishtirokini yoritish uchun Peru roytaxti Limaga yo‘l olgan jurnalistlar Il-96300 samolyotidagi nosozliklar tufayli Putin qatnashadigan tadbirlarni yarmisini o‘tkazib yuborishga majbur bo‘ladi. Bu haqda “TASS” xabar bermoqda.
Havo kemasidagi nosozlik Moskva — Lima yo‘nalishida bortida Rossiya delegatsiyasining bir qismi va jurnalistlar bilan uchayotgan samolyot Portugaliyada yoqilg‘i to‘ldirib olish uchun qo‘nganida aniqlandi. Layner kapitaniga ko‘ra, aniqlangan kamchilikni bartaraf etish uchun zarur ehtiyot qismlar Moskvadan yetkazib kelinganidan keyingina parvozni davom ettirish mumkin.
Shu tariqa, Rossiya delegatsiyasining bir qismi 19-noyabr, shanba kuni Toshkent vaqti bilan 20:00 atrofidagina uchib ketishi mumkin. Lissabondan Limagacha parvoz vaqti 11 soatni tashkil etadi.
Eslatib o‘tamiz, oldinroq Shveysariya harbiy havo kuchlarining F-18 qiruvchilari mazkur samolyotga yaqin masofada hamrohlik qilgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)