Хитойда ишлаб чиқарилган смартфонларга улардан жўнатилган матнли хабарларни ҳар 72 соатда Хитой серверига қайта юборадиган махфий дастур ўрнатилган бўлиши мумкин, деб ёзади «ТАСС» The New York Times газетасига таяниб.
«Хавфсизлик соҳасидаги мутахассислар яқинда Android операцион тизими ўрнатилган баъзи смартфонларда фойдаланувчининг жойлашган ўрнини, унинг ким билан гаплашаётганини ва матнли хабарларда нималарни ёзаётганини кузатиб борадиган дастурни аниқлади, — дейилади мақолада. — Америкалик расмий шахслар сўзларига кўра, ҳозирча бу реклама мақсадида маълумотларнинг махфий тарзда йиғилиши ёки Хитой ҳукумати томонидан разведка маълумотлари тўпланиши эканлиги номаълум».
Ушбу махфий дастурни аниқлаган Американинг Kryptowire компанияси фикрича, дастур «матнли хабарларнинг тўлиқ мазмунини, телефон рақамлари рўйхатини, қўнғироқлар вақти ҳақидаги маълумотларни, фойдаланувчининг жойлашган ўрни ва бошқа маълумотларни Хитой серверига узатади».
Изоҳ (0)