Rossiyaning Tu-160 va Tu-95 strategik raketa tashuvchi samolyotlari Saratov viloyatidagi “Engels” aviabazasida jangovar navbatchilik tartibiga keltirilgan. Bu haqda harbiy-diplomatik manbaga tayanib, “RBK” xabar bermoqda.
Manbaning bildirishicha, baza xodimlari samolyotga qanotli raketalar o‘rnatmoqda va havo kemalarini jang sharoitda qo‘llashga tayyorlamoqda.
“Aviabazaning zarbdor guruhlari qanotli raketalarni jangovar uchirish bo‘yicha vazifalarni bajarishga tayyor”, — deya ma’lum qilgan manba.
Oktabr o‘rtalarida O‘rtayer dengiziga yo‘l olgan “Admiral Kuznetsov” aviatashuvchi kreyseri bortidan oxirgi kunlarda Mig-29 va Su-33 qiruvchi samolyotlari muntazam ravishda ko‘tarilayotgani bildirilmoqda. Kreyser boshchiligidagi aviatashuvchi guruh istalgan payt terrorchilar marralariga zarba berishga hozirlik ko‘rmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)