Россиянинг Ту-160 ва Ту-95 стратегик ракета ташувчи самолётлари Саратов вилоятидаги «Энгельс» авиабазасида жанговар навбатчилик тартибига келтирилган. Бу ҳақда ҳарбий-дипломатик манбага таяниб, «РБК» хабар бермоқда.
Манбанинг билдиришича, база ходимлари самолётга қанотли ракеталар ўрнатмоқда ва ҳаво кемаларини жанг шароитда қўллашга тайёрламоқда.
«Авиабазанинг зарбдор гуруҳлари қанотли ракеталарни жанговар учириш бўйича вазифаларни бажаришга тайёр», — дея маълум қилган манба.
Октябрь ўрталарида Ўртаер денгизига йўл олган «Адмирал Кузнецов» авиаташувчи крейсери бортидан охирги кунларда Миг-29 ва Су-33 қирувчи самолётлари мунтазам равишда кўтарилаётгани билдирилмоқда. Крейсер бошчилигидаги авиаташувчи гуруҳ исталган пайт террорчилар марраларига зарба беришга ҳозирлик кўрмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)