Қирғизистон парламенти депутатлари кўпчилик овоз билан мамлакатнинг янги ҳукумати таркиби ва тизимини маъқуллади. Бу ҳақда парламент матбуот хизмати маълум қилди, дея хабар беради «ТАСС».
«Коалиция томонидан таклиф этилган ҳукумат таркиби ва тизимини ёқлаб 112 депутат овоз берди, 4 депутат қарши чиқди. Ҳукумат депутатлар қабул қилган қарор президент Алмазбек Атамбаев томонидан имзолангандан сўнг расман ишга киришади», — дея таъкидлади матбуот хизмати.
Қирғизистон ҳукуматининг янги таркиби аввалгисидан деярли фарқ қилмайди. Бош вазир Сооронбай Жээнбеков, шунингдек, бош вазир ўринбосарлари ва вазирларнинг деярли барчаси ўз лавозимини сақлаб қолди.
Таълим ва фан вазири этиб тайинланган бош вазир ўринбосари Гулмира Кудайбердиева ўрнига Чўлпон Султонбекова, ички ишлар вазири Кашкар Жунушалиев ўрнига эса Аксилкоррупциявий хизматнинг собиқ раҳбари Улан Исроилов лойиқ кўрилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)