Respublikachilar partiyasidan AQSh prezidentligiga nomzod Donald Tramp bir qator baholovchilarning umumiy hisob-kitoblariga ko‘ra, “ikkilanuvchi shtatlar” qatorida bo‘lgan Ayovadagi ovoz berishda g‘alaba qozondi. Bu haqda “Kommersant” xabar bermoqda.
NBC telekanali axborotiga ko‘ra, shtatdagi yetakchilik Trampga tanlovchilar hay’atining 6 ta ovozini taqdim etadi.
Avvalroq AQShning yetakchi nashrlari va teletarmoqlari o‘tkazgan aksariyat ijtimoiy so‘rovlar Ayovada demokratlar va ularning nomzodi Hillari Klinton Trampdan ko‘ra yuqoriroq nufuzga ega ekanligini ko‘rsatgan edi.
Bundan tashqari, Donald Tramp an’anaviy ravishda respublikachilarni qo‘llab-quvvatlovchi Jorjiya (tanlovchilarning 16 ovozi) va Shimoliy Karolinada (15 ovoz) ham g‘alaba qozongan.
Hozircha AQShning 41 shtatida umummilliy ovoz berish bo‘yicha dastlabki natijalar ma’lum bo‘lib ulgurgan.
Donald Tramp hozirgacha tanlovchilar hay’atining 244 ovozini qo‘lga kiritib ulgurdi, Hillari Klintonda esa hozircha faqat 209 ovoz bor.
AQSh prezidentiga aylanish uchun, nomzod 538 kishidan iborat tanlovchilar hay’atining kamida 270 ta ovozini qo‘lga kiritishi kerak.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)