Республикачилар партиясидан АҚШ президентлигига номзод Дональд Трамп бир қатор баҳоловчиларнинг умумий ҳисоб-китобларига кўра, «иккиланувчи штатлар» қаторида бўлган Айовадаги овоз беришда ғалаба қозонди. Бу ҳақда «Коммерсантъ» хабар бермоқда.
NBC телеканали ахборотига кўра, штатдаги етакчилик Трампга танловчилар ҳайъатининг 6 та овозини тақдим этади.
Аввалроқ АҚШнинг етакчи нашрлари ва телетармоқлари ўтказган аксарият ижтимоий сўровлар Айовада демократлар ва уларнинг номзоди Ҳиллари Клинтон Трампдан кўра юқорироқ нуфузга эга эканлигини кўрсатган эди.
Бундан ташқари, Дональд Трамп анъанавий равишда республикачиларни қўллаб-қувватловчи Жоржия (танловчиларнинг 16 овози) ва Шимолий Каролинада (15 овоз) ҳам ғалаба қозонган.
Ҳозирча АҚШнинг 41 штатида умуммиллий овоз бериш бўйича дастлабки натижалар маълум бўлиб улгурган.
Дональд Трамп ҳозиргача танловчилар ҳайъатининг 244 овозини қўлга киритиб улгурди, Ҳиллари Клинтонда эса ҳозирча фақат 209 овоз бор.
АҚШ президентига айланиш учун, номзод 538 кишидан иборат танловчилар ҳайъатининг камида 270 та овозини қўлга киритиши керак.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)