Reddit’ning chadmanx nikli Nyu-Yorkda istiqomat qiluvchi foydalanuvchisi bo‘lajak rafiqasi uchun meteorit bo‘lagidan mustaqil ravishda nikoh uzugi yashadi. Bu haqda TJournal xabar bermoqda.
Uzukni tayyorlash uchun chadmanx 120 grammlik meteorit bo‘lagini sotib oldi. U bo‘lakning o‘rtasidan teshik ochib, so‘ng atrofini taroshlab chiqdi va uzuk shakliga keltirdi.
Metall zararlanmasligi uchun ishlarni juda sekin olib borishga to‘g‘ri keldi. Bundan tashqari, metall nihoyatda qattiq bo‘lib chiqdi.
Erkak uzukning o‘lchamini ham to‘g‘ri hisobga olmagani bois uning cheti kemtik bo‘lib qoldi. Ishlar ikki oy, umumiy hisoblaganda 35–40 soat davom etdi.
Ta’kidlanishicha, sovg‘a qizga yoqqan va u uzukni taqib yurishni rejalashtirmoqda.
Izoh (0)