Dublinda (Irlandiya) oktabr oxirida bo‘lib o‘tgan 37-marafonda jurnalistlar Eyfel minorasi nusxasini kiyib olgan keksa sportchiga e’tibor qaratdi. Ma’lum bo‘lishicha, uning ismi-sharifi Mishel Bax bo‘lib, musobaqalarda ishtirok etish uchun maxsus Parijdan kelgan va marafon bobida 30 yillik tajribaga ega. Bu haqda “Vesti.ru” xabar bermoqda.
O‘ttiz yil davomida fransuz 200 dan ortiq, jumladan, Nyu-York, Nepal va Parij marafonlarida ishtirok etgan. Shuningdek, Bax Afina va Sparta oralig‘ida 36 soat davom etgan 246 kilometrlik “Spartatlon” yugurish turnirida qatnashgan.
Eyfel minorasi nusxasini keksa sportchi olomondan ajralib turish va o‘zining kelib chiqishini ta’kidlash uchun vaqti-vaqti bilan kiyib turadi.
Izoh (0)