Ontarioning (Kanada) 86 yoshli fuqarosi Kristin Makmillan Metro 2033 o‘yinini noqonuniy ko‘chirib olgani uchun 5 ming dollar jarima to‘lashi lozimligi haqidagi ogohlantiruv oldi. Ushbu maktub orqali keksa ayol birinchi marta shunday o‘yin mavjudligidan xabar topdi, deya ma’lum qildi TJournal.
Makmillan elektron pochta orqali olgan maktub Kanadaning intellektual mulk himoyasi xizmati (CANIPRE) tomonidan jo‘natilgan bo‘lib, unda ayol Metro 2033 o‘yinining qaroqchilik nusxasini ko‘chirib olishda ayblangan.
“Bu men uchun haqiqiy shok bo‘ldi. 86 yoshdaman. Mendan boshqa hech kim kompyuterimdan foydalanmaydi. Urush haqidagi o‘yinni ko‘chirib olishdan menga nima naf?” — deya taajjublanmoqda Makmillan.
Izoh (0)