Microsoft kompaniyasi trade-in kampaniyasini ishga tushirdi, uning doirasida Apple’ning MacBook kompyuterlarini qabul qilib, evaziga Surface kompyuterlarini chegirma bilan sotadi, deya xabar bermoqda “Hi-tech.mail.ru”.
Xaridorlarga o‘zlarining MacBook (12”), MacBook Pro yoki Air kompyuterlarini topshirish taklif qilinmoqda. To‘liq ishlaydigan, “sog‘lom” akkumulyatorli va bus-butun displeyli kompyuterlar qabul qilinadi. Shuningdek, kabelli zaryad qurilmasini ham qo‘shib berish kerak.
Ushbu shartlarga rioya qilinsa, Microsoft yangi Surface Pro noutbuki yoki Surface Pro 4 planshetini xarid qilish uchun chegirma taqdim etadi. Yangi MacBook Pro 13 evaziga kompaniya 650 dollarlik kupon hadya etadi. Aksiya hozircha faqat Amerikada amal qiladi.
Izoh (0)