Онтарионинг (Канада) 86 ёшли фуқароси Кристин Макмиллан Metro 2033 ўйинини ноқонуний кўчириб олгани учун 5 минг доллар жарима тўлаши лозимлиги ҳақидаги огоҳлантирув олди. Ушбу мактуб орқали кекса аёл биринчи марта шундай ўйин мавжудлигидан хабар топди, дея маълум қилди TJournal.
Макмиллан электрон почта орқали олган мактуб Канаданинг интеллектуал мулк ҳимояси хизмати (CANIPRE) томонидан жўнатилган бўлиб, унда аёл Metro 2033 ўйинининг қароқчилик нусхасини кўчириб олишда айбланган.
«Бу мен учун ҳақиқий шок бўлди. 86 ёшдаман. Мендан бошқа ҳеч ким компьютеримдан фойдаланмайди. Уруш ҳақидаги ўйинни кўчириб олишдан менга нима наф?» — дея таажжубланмоқда Макмиллан.
Изоҳ (0)