Toshkent Ichki ishlar bosh boshqarmasi boshlig‘i o‘rinbosari, Tergov boshqarmasi boshlig‘i polkovnik Doniyor Toshxo‘jayev dastlabki tergov organlari ish bilan bog‘liq muammoli masalalar bo‘yicha fuqarolarni ko‘chma tarzda qabul qildi, deb yozadi “Gazeta.uz” O‘zbekiston IIV saytiga tayanib.
Olmazor tumani ichki ishlar boshqarmasidagi qabulda tumanning jinoyat ishlari bo‘yicha tergov chog‘ida manfaatlariga dahl qilingan fuqarolari, shuningdek, tergov bo‘linmasi advokatlari va xodimlari ishtirok etdi. O‘ndan ortiq ariza va murojaatnomalar ko‘rib chiqildi, ularning ko‘pchiligi o‘sha paytdayoq hal qilindi.
Xabarda ta’kidlanishicha, fuqarolarda dastlabki tergovni o‘tkazish muddatlari haqida savollar bo‘lgan, tergovchilardan tezkorlik talab qilingan. Shu bilan birga, jinoiy javobgarlikka tortilganlar o‘z advokatlari bilan kelib, nafaqat dastlabki tergov muddatlari, balki tergov harakatlari va tadbirlarini o‘tkazishning protsessual tartiblariga nisbatan shikoyat bildirgan.
Ba’zilar esa tergovchilarni tanbeh ostiga oldi. Ularning so‘zlariga ko‘ra, ularni jinoyat ishi ishtirokchisi sifatida chaqirgan tergovchilar ularni belgilangan vaqtda qabul qilmagan. Polkovnik Toshxo‘jayev tergovchilarga bundan keyin bu kabi holatlarga yo‘l qo‘ymaslikni buyurdi.
Izoh (0)