2016—2017-yilgi qish-bahor mavsumi uchun O‘zbekistonda qishloq xo‘jalik mahsulotlari asosiy turlaridan iborat 660 ming tonnalik zaxira yaratish rejalashtirilmoqda, deb yozadi “Gazeta.uz” “O‘zbekoziqovqatzaxira” uyushmasi raisi Zafar Fayziyevga tayanib.
“Bu 175 ming tonna kartoshka, 139 ming tonna piyoz, 46 ming tonna boshqa sabzavotlar va 105,8 ming tonna mevalardir”, — deya ta’kidladi u.
Zafar Fayziyev so‘zlariga ko‘ra, so‘nggi olti yil ichida mamlakatda umumiy sig‘imi 68 ming tonnaga teng 50 dan ortiq sovitish kameralari qurilgan. Ularning jami sig‘imi bugungi kunda 98,5 ming tonnani tashkil etadi. 2021-yilgacha umumiy sig‘imi 325 ming tonnalik qo‘shimcha sovitish kameralarini ishga tushirish ko‘zda tutilgan.
Qishloq xo‘jalik mahsulotlarining ortiqcha qismi eksport qilinmoqda. Yil boshidan buyon Rossiya, Qozog‘iston, Ozarbayjon, Qirg‘iziston, Xitoy va boshqa mamlakatlarga karam, gilos, pomidor, bodring, sabzi, ko‘katlar, quruq mevalar eksport qilingan.
Izoh (0)