Apple 15 yil mobaynida birinchi marta yillik tushum kamayishini qayd etdi. Kompaniyaning 25-oktabr, seshanba kuni e’lon qilingan to‘rtinchi chorak korporativ hisoboti shundan dalolat bermoqda, deya xabar beradi “TASS”.
24-sentabr kuni yakunlangan chorak ichida 45,51 millionga yaqin iPhone smartfonlari sotilib, tushum 46,85 milliard dollar, sof foyda esa 9,01 milliard dollarni tashkil etdi. Mazkur uch ko‘rsatkich ham 2015-moliyaviy yil to‘rtinchi chorak yakunlariga solishtirganda pasayishni ko‘rsatdi. O‘shanda Apple 48,04 million iPhone sotgan, kompaniya tushumi va sof foydasi esa tegishli ravishda 51,5 va 11,12 milliard dollarni tashkil etgandi.
Hisobotga ko‘ra, kompaniyaning yillik tushumi 8 foizga qisqardi (2016-moliyaviy yilda 215,6, 2015-yilda esa 233,7 milliard dollar). Oxirgi bor bunday holat 2001-yilda qayd etilgandi.
Izoh (0)