Galaxy Note 7 smartfonining Janubiy Koreyadagi yuzlab foydalanuvchilari qurilmani ishlab chiqargan Samsung kompaniyasi ustidan shikoyat qilishga tayyor, deya xabar bermoqda “Interfaks”.
Foydalanish chog‘ida yonib, portlab ketishi mumkin bo‘lgan qurilmani chaqirib olish bo‘yicha kampaniya vaqtida yetkazilgan ma’naviy zarar o‘rnini qoplab berish talabi bilan flagman smartfonning 520 ga yaqin foydalanuvchisi Samsung’ni sudga bermoqchi.
Harvest Law Firm yuridik firmasi rahbarining ma’lum qilishicha, da’vogarlar gadjetlarni topshirish va yangisini olish yo‘lida ketgan xarajatlar, vaqt va moddiy yo‘qotishlar o‘rnini to‘ldirishni talab qilmoqda.
Da’vogarlardan biri Kim Che Yonning so‘zlariga ko‘ra, u qurilmalarni birinchi chaqirib olish doirasida Note 7 smartfonini topshirish uchun benzin va boshqa yo‘l xarajatlariga taxminan 100 dollar sarflagan.
“O‘zimni aldangandek his qilyapman. Juda ham jahldaman va bu telefondan hech qachon foydalanmoqchi emasman!”, — dedi qurilma egasi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)