Apple 15 йил мобайнида биринчи марта йиллик тушум камайишини қайд этди. Компаниянинг 25 октябрь, сешанба куни эълон қилинган тўртинчи чорак корпоратив ҳисоботи шундан далолат бермоқда, дея хабар беради «ТАСС».
24 сентябрь куни якунланган чорак ичида 45,51 миллионга яқин iPhone смартфонлари сотилиб, тушум 46,85 миллиард доллар, соф фойда эса 9,01 миллиард долларни ташкил этди. Мазкур уч кўрсаткич ҳам 2015-молиявий йил тўртинчи чорак якунларига солиштирганда пасайишни кўрсатди. Ўшанда Apple 48,04 миллион iPhone сотган, компания тушуми ва соф фойдаси эса тегишли равишда 51,5 ва 11,12 миллиард долларни ташкил этганди.
Ҳисоботга кўра, компаниянинг йиллик тушуми 8 фоизга қисқарди (2016-молиявий йилда 215,6, 2015 йилда эса 233,7 миллиард доллар). Охирги бор бундай ҳолат 2001 йилда қайд этилганди.
Изоҳ (0)