Toshkentning “Lokomotiv” klubi sobiq bosh murabbiyi Vadim Abramov Toshkentga qaytib keldi, deb ma’lumot berdi “Championat.asia”. Avvalroq u yuragi bezovta qilayotani uchun uni davolatish maqsadida Moskvaga jo‘nab ketgandi.
“Shukr, yuragim bilan bog‘liq bo‘lgan muammolardan qutuldim. Ayni paytda meni hech narsa bezovta qilayotgani yo‘q, o‘zimni yaxshi his qilmoqdaman”, — deb mutaxassisning so‘zlaridan iqtibos keltirgan “Futbol Ekspress” gazetasi.
Jurnalistning Vadim Abramov mahalliy klublardan birida ish boshlashimi mumkinmi deb bergan savoliga o‘z vaqtida O‘zbekiston milliy terma jamoasini boshqargan murabbiy quyidagicha javob berdi:
“Albatta. O‘zim ham ishlashni xohlayman. Bunga qadar yuragimdagi muammo sabab ishlay olmayotgandim. O‘z oldiga jiddiy maqsad qo‘ygan klubdan taklif tushsa, buni o‘ylab ko‘rishim mumkin”.
Izoh (0)