Тошкентнинг «Локомотив» клуби собиқ бош мураббийи Вадим Абрамов Тошкентга қайтиб келди, деб маълумот берди «Championat.asia». Аввалроқ у юраги безовта қилаётани учун уни даволатиш мақсадида Москвага жўнаб кетганди.
«Шукр, юрагим билан боғлиқ бўлган муаммолардан қутулдим. Айни пайтда мени ҳеч нарса безовта қилаётгани йўқ, ўзимни яхши ҳис қилмоқдаман», — деб мутахассиснинг сўзларидан иқтибос келтирган «Футбол Экспресс» газетаси.
Журналистнинг Вадим Абрамов маҳаллий клублардан бирида иш бошлашими мумкинми деб берган саволига ўз вақтида Ўзбекистон миллий терма жамоасини бошқарган мураббий қуйидагича жавоб берди:
«Албатта. Ўзим ҳам ишлашни хоҳлайман. Бунга қадар юрагимдаги муаммо сабаб ишлай олмаётгандим. Ўз олдига жиддий мақсад қўйган клубдан таклиф тушса, буни ўйлаб кўришим мумкин».
Изоҳ (0)