FIFA yilning eng yaxshi futbolchisini 9-yanvar kuni Syurixda e’lon qiladi. Bu haqda, FIFA qo‘mitasi rahbari Mixel D’Xogening bayonotiga asoslanib, “Vesti.ru” xabar bermoqda.
“Oltin to‘p” topshirish yangicha formatga ko‘chiriladi. Endi FIFA mukofotni yil yakunlariga ko‘ra topshiradi (FIFA Best). Marosimda 2026-yilgi jahon chempionati formatiga ham aniqlik kiritiladi.
France Football jurnali “Oltin to‘p”ni 1956-yildan topshirib keladi. 1988-yildan esa FIFA “Yil o‘yinchisi” nomli o‘z mukofotini ta’sis etdi. 2010-yilda jurnal va FIFA besh yillik shartnoma tuzdi. Unga ko‘ra “Oltin to‘p”ni FIFA milliy terma jamoalar murabbiylari, terma jamoalar kapitanlari va OAV vakillarining ovoz berishi yakunlariga topshiradigan bo‘ldi. Ammo joriy yilda FIFA va jurnal o‘rtasidagi shartnoma yakunlandi.
Izoh (0)